घोडाघोडी। थारु समुदायके पहिचानके रुपमे मना जीना गुरही टिहुवा सोममारके रोज टमान गाउँ गाउँमे भब्यता पुर्वक मना गिल बा। यी टिहुवार थारु समुदायके पहिल टिहुवार के रुपमे ले जाइट।
हरेक साल खेट्वा सेक्के कुछ समय पाछे यी टिहुवार मना जिना मान्यता बा।साँझके छेग्री गोरु घारिम कार्यइना जुन गाउँक लौडीन टठीयामे डिया, भुजा गुडा ओ लुग्गक बनागिल गुरही लेके गाउँक डक्खीन चोकमे जाके अस्रैना ओ लौडाहुक्रे पुँजक सोटा लेके गुरहीहे ठठैना ओ घुघ्री डेउ घुघ्री डेउ कहिके यी टिहुवार मनैना चलन रहल भागी राम चौधरी बटैनै।
अस्टक खुशी राम थारु गाउँक मनै एक ठाउँमे जम्मा होके खुसियाली साटासाट कर्ना हुइलक ओर्से आपसी सद्भाव, एकता बह्रैना बटैनै। वहा यी टिहुवार पुर्खासे चल्ती आइल संस्कार संकृति ओ परम्पराहे लावा पुस्तासम पुगैना माध्यम फे रहल बटैनै।
अस्टक जग राम थारु गुरही टिहुवार टमान रोग़ तथा नकारात्मक प्रभावसे परिवार ओ समुदायहे जोगैना ओ सुख शान्ति समृद्धिके कामना कर्ना धार्मिक विश्वास संग जोरल बटैनै। बिशेष कर्के थारु समुदायमे यी टिहुवारहे आपन परिवारके सुरक्षा ओ स्वास्थ्य संग सम्बन्धित लोकविश्वास संग जोर्के मनैना चलन रहल फेन वहा बटैनै।
Leave a Reply